تعتبر الإضاءة أهم عناصر الديكور في البيت وده لأنها بتجمع بين الجانب الجمالي والوظيفي في وقت واحد وبتحدد مود البيت وتبرز جمال العفش وبتضيف راحة وسحر مميز لديكور البيت كله.

وديكور الإضاءة معتمد على 3 عناصر أساسية هم:

• طبقات الإضاءة اللى بتحتاجها كل غرفة سواء إضاءة خافتة أو قوية.
• توزيع الإضاءة على وحدات وعناصر مختلفة في كل غرفة.
• أشكال وحدات الإضاءة.

وأول حاجة لازم نعرفها هي نوع الإضاءة والطبقات المختلفة اللي بتحتاجها كل غرفة، علشان يكون ديكور البيت متناغم وغير عشوائي.

طبقات الإضاءة في كل غرفة:

كل جزء في كل غرفة في البيت بيحتاج مستوى وطبقات معينة من الضوء سواء علشان تدي المود المناسب أو علشان تعرض العفش بشكل مميز أو حتى علشان تساعدكم تنجزوا مهام البيت بشكل أسهل.

لازم تكون الإضاءة فيها قوية علشان تكون مريحة ومناسبة للتجمعات العائلية وتجمعات الأصحاب وتبرز المشاعر الإيجابية في المكان، ده غير أن معظم وقتك بتقضيه في الغرفة دي.

وعلشان تحقق الراحة دي لازم تبعد الإضاءة المباشرة عن أماكن الجلوس وتستبدلها بإضاءة مركزية في وسط الغرفة.

تتطلب عرض الشرائح هذه للجافا سكريبت.

عادةً الريسيبشن بيكون فيه قطع ديكور قيمة وأفكار مبهرة تحتاج إظهار بشكل واضح، علشان كده هتحتاج فيه إضاءات مباشرة مركزة على الأجزاء دي. وفي نفس الوقت ممكن تزود إضاءات مخفية غير مركزة على أماكن الجلوس علشان تتجنب شعور ضيوفك بالتوتر والإزعاج.

تتطلب عرض الشرائح هذه للجافا سكريبت.

وبالنسبة لغرفة السفرة، فأفضل وضع للإضاءة هو تسليطها بشكل مباشر على محورها الرئيسي، طاولة الطعام علشان توفر الراحة والهدوء اللي بيساعد على الاستمتاع بالأكل.

تتطلب عرض الشرائح هذه للجافا سكريبت.

وطبعاً لأن المطبخ هو مملكة كل ست في البيت، لازم المطبخ يكون مريح والحركة فيه تكون سهلة، علشان كده الإضاءة بتكون عالية في الأجزاء اللي بيعتمد عليها الطبخ والتقطيع بشكل خاص. وفي نفس الوقت لازم تكون فيه إضاءة مركزية تضئ المطبخ بشكل عام.

تتطلب عرض الشرائح هذه للجافا سكريبت.

أكتر مكان بيحتاج ضوء خافت هو غرفة النوم، وده علشان يوفر إحساس بالهدوء والسكينة اللي بتساعد على النوم بشكل أفضل في جو مريح. علشان كده يفضل أن الإضاءات في الغرفة تكون قليلة وتكون مقتصرة على إضاءات جانبية على أطراف السرير.

تتطلب عرض الشرائح هذه للجافا سكريبت.

على عكس باقي غرفة النوم، التسريحة والجزء المخصص للملابس بيكون ليه شعور خاص مميز لكل ست.

علشان تجمع الغرفة بين الأناقة والعملية، لازم تكون الإضاءة فيها عالية عن طريق إضاءة شاملة وإضاءة داخلية تساعد على رؤية التفاصيل واختيار اللبس المناسب بسهولة. 

تتطلب عرض الشرائح هذه للجافا سكريبت.

•  غرفة الأطفال

الغرفة دي بتجمع بين أنشطة كتير زي اللعب والنوم والدراسة، لازم الإضاءة تشجع عليهم كلهم.

علشان كده اختاروا للغرفة إضاءة مركزية وسط الغرفة، وإضاءات مركزة على مكتب الدراسة، وإضاءات خافتة حول السرير لتساعد على النوم.

تتطلب عرض الشرائح هذه للجافا سكريبت.

بعد ما عرفنا مستوى الإضاءات والطبقات اللى محتاجاها كل غرفة، هنتعرف على توزيع الإضاءة بالشكل الأنسب للغرف دي في الجزء الثاني من المقال ده.