لو لسة بتجهزوا شقتكم وبتدورا على أفكار جديدة للديكور، أو لو عاوزين تغيروا ديكور البيت السنة دي وعاوزين أفكار جديدة ومبتكرة من غير متنزلوا تلفوا على المحلات أو تلجأوا إلى مصمم ديكور… جمعنا لكم قائمة بأفضل 5 تطبيقات ومواقع على الانترنت هتساعدكم بأحدث أفكار الديكورات؛ المواقع الإلكترونية والتطبيقات دي هتبقى بالنسبالكم ” مهندس الديكور الخاص ” اللي هيقولك على ألوان الدهانات المناسبة لكل أوضة في البيت حسب مساحتها والإضاءة بتاعتها وهيقولك إيه نوع الأثاث اللي ممكن تستخدمه في كل أوضة وإزاي تستغل كل المساحات الموجودة في بيتك بطريقة مبتكرة وهيقولك كمان على أحدث الديكورات سنة 2016.

• موقع وتطبيق Houzz

“ويب سايت بيجمع أصحاب المنازل ومهندسين الديكور في عالم مرئي فريد”. الويب سايت متقسم إلى مجموعة من الفئات الخاصة بكل أوضة في البيت زي: المطبخ والليفينج والسفرة والحمام…إلخ

وكل فئة متقسمة من جوة إلى فئات فرعية خاصة بأنواع الديكور المختلفة: التقليدي والمودرن والآسيوي والحرفي…إلخ؛ بالإضافة إلى الألوان والأثاث والأدوات والأجهزة المستخدمة في كل أوضة كل ده معروض بصور توضيحية.

الويب سايت كمان فيه فئتين مهمين: Stories  و Advice. في الفئة الأولي اللي هي Stories هتلاقوا مجموعة من المقالات المصورة اللي بيكتبها مصممي ومتخصصي الديكور في موقع هوز بيتكلموا فيها عن كل جزء من أجزاء البيت بالتفصيل  زي: السلالم والدواليب والكنب والكراسي من ناحية الديكور والألوان وإزاي تغير فيهم. وتحت Stories فيه فئة فرعية اسمها Decorating Guides دي زي دليل شامل للناس اللي مش عارفة تختار ايه وإزاي أو تبدأ منين.

أما Advice فده جزء خاص بالنقاشات والأسئلة بين رواد الموقع والمتخصصين، كل حد عنده سؤال بيدخل يكتبه وممكن كمان يبعتلهم صور خاصة بالمكان اللي هو عاوز يعمله ديكور وأي حد من المتخصصين في المجال هيرد عليه رد توضيحي.

• موقع وتطبيق Homestyler

“صمم منزل أحلامك 3D”. الموقع ده في ميزتين جداد؛ أول حاجة أنه هيخليك تبني الأوضة بتاعتك بأبعادها الحقيقية وتعمل الديكور بتاعها ويطلعلك الشكل بتعاها في الآخر 3D كأنك واقف فيها.

وكمان في قسم خاص بمهندسين الديكور يقدروا من خلاله يرفعوا الشغل الخاص بهم ويعرضوه على الموقع علشان يشوفوا أكتر من مليون شخص من متخصصي الديكور وأصحاب المنازل.

ولو عاوز تعرف أكتر عن إزاي تبدأ تستخدم الويب سايت ممكن تشوف الفيديوا ده:

• موقع وتطبيق Pinterest

هو سوشيال ميديا بلاتفورم متخصصة بس في نشر الصور ومشاركتها عن طريق “لوحة ملاحظات”. استخدام Pinterest  سهل أوي كل اللي عليك تعمله أنك تكتب في مكان البحث الحاجة اللي أنت عاوزها وهيطلعلك مقترحات بأسامي لوحات موجودة تختار منها اللي أنت عاوزه علشان تشوف الصور والأفكار الجديدة؛

والحلو أن في ناس كمان بيبقوا كاتبين ممكن تشتري وتجيب الحاجات دي منين.

وكمان Pinterest فيه إمكانية حفظ الصور؛ علشان لو حابب ترجعلها تاني ودي ميزة مش موجودة في instagram.

أيكيا أحد الماركات العالمية المتخصصة في مجال ديكورات المنزل وأثاثه، عندهم ويب سايت ممكن تشتري من عليه أي حاجة بداية من الكوبيات والصواني ولحد أوض النوم والمكتب وبيوصلوها لغاية عندك. الميزة في أيكيا أنه بيلعب على جزء الإبداع عند الزبون؛ يعني بيديك الأوضة متفككة وأنت تركبها بنفسك في البيت.

المتخصصين في أيكيا دايمًا عندهم أفكار جديدة من ناحية التوفير في استخدام المساحات في البيتن وعلشان كده أغلب قطع الأثاث اللي بتباع هناك بتلاقي ليها أكثر من غرض في الاستخدام زي:

وكمان هم عاملين على الموقع الالكتروني الخاص بهم جزء خاص بالأفكار الجديدة في الديكورات اللي ممكن تبقى مصدر إلهام لكتير مننا.

لو عاوز ترفع مساحات أوضة معينة علشان تجيب الأثاث بتاعها أو الستائر كل اللي عليك تعمله أن أنت تنزل التطبيق ده وبعدين تمرر الموبيل قدام كل حيطة عاوز تقيسها في الأوضة، هيتكون على الموبيل مخطط للأوضة بأطوال الحيطان وأبعاد المساحات الأرضية.

شوف من هنا أفضل شقق للبيع في القاهرة بأسعار تبدأ من 300,000 جنيه.