سؤال بيشغل ناس كتير 🤔🤔

ليه السيراميك المط بيبقي مجير و مش بيتنضف بعد التركيب .. 🤤🤤😭😢😢

نظافة السيراميك المط : 

المشكلة اللي مدوخة الناس كلها و مسببه مشاكل و تخوفات عديدة في استخدام و شراء السيراميك او البورسلين المط خاصة في الأعمال الداخلية .

مشكلة ان البلاطات المط ما بتطلعش بنفس شكلها في المعارض و هي علي الاستاند و بعد التركيب بتبقي مجيره و يصعب ازالة بقايا مونة التركيب منها .

المشكلة دي بتبقي بالتحديد في السيراميك المط و الذي له ملمس سطح خشن به تجويفات و خطوط عميقة بسطحه تدخل فيها مواد البناء من أسمنت و مادة سقية و خلافه ثم تجف .

لو حصل معاك كده فعلا . بيبقي صعب تنظيف هذه المواد المتصلبة مرة واحده . بيبقي لازم تنظيفها بفرشة بلاط علي فترات طويلة و كل مرة بتنجح في ازالة جزء بسيط منها و مع التكرار بتحصل علي نتائج أفضل و لكن ليست نهائية . و بيكون أكبر خطأ استخدام مواد كاوية لمحاولة التخلص من هذه الرواسب . حيث انها تؤثر علي سطح السيراميك و تخليه مجير و مجرب بجانب انه متسخ .

و علشان تتجنب المشكله دي لازم من الأول قبل التركيب .. 

و لحل المشكلة دي في شغلي اتبعت مبدأين : 

الوقاية خير من العلاج . و الباب اللي يجيلك منه الريح سده و استريح 🙂

قلت ان لازم مونة البناء و السقية ما تنشفش و تجف علي البلاطه وقت التركيب .

علشان كده بأطلب 

أولا يتعمل محارة حوائط الحمام و يتم التركيب بمادة لصق حتي و لو مقاس البلاطه صغير و يسمح بتركيبها بمونة و ليس بمادة لصق .

ثانيا بأنبه علي صنايعي السيراميك و مشرف الأعمال تبع المكتب أن كل بلاطه يتم تركيبها يتم تنظيفها تماما بشكل فوري بسفنجه و مياه و فرشة بلاط و فرشة اسنان من اجل الحواف لو فيها تعريجات . ( نظافة تامه ) . حتي و لو ده هيكلفني مبلغ اضافي بس ده شرط شغل و يتحمل المسئولية من يخل بهذا و بوضح لهم ان ده موضوع مافيهوش هزار و لا تهاون من ناحيتي .

ثالثا : السقية بتاعة السيراميك بيتم اتباع نفس خطوات النظافة السابقة في طريقة العمل بها . و نفس المحاذير و التنبيهات .

لما بأعمل حسابي في الخطوات دي , كده بأمنع المشكلة من جذورها بخطوات استباقيه .

انما الحل بعد حدوث المشكله بيبقي مزعج و صعب و محبط .

#decor_tips .

Designer : Ashraf Ismail .