طريقة الحساب السليمة والدقيقة . هي حساب سعر كل وحدة مطبخ لوحدها . زي كل المعارض و المصنعين المحترفين ما بيشتغلوا في العالم كله .

و علشان تعرفوا لية بيحسبوها بالوحده مش بالمتر . ناخد مثل بسيط :

* وحدة أبعادها ٨٠ سم في ارتفاع ٩٠ سم و مطلوب انها تبقي ضلفتين :
هتبقي مكونه من .

شاسيه كونتر للعلبه + ضلفتين + ٤ مفصلات + رف + مقبضين .
* لو نفس مقاسات العلبة اللي فاتت بس مطلوبه تكون وحدة أدراج :

هتبقي مكونه من : 
. شاسيه كونتر للعلبه + شاسيهات كونتر طبقات لعدد ٤ أدراج + ٤ طقم مجري للأدراج و يستحملوا اوزان تقيله + ٤ مقابض .
ده غير ان مصنعية و تعب و دقة العلبة الثانية غير الأولى خالص . 
و علي نفس القياس كل شيء بيختلف حسب طلبات العميل و حسب التصميم .

علشان كده مش لازم تفرح لما حد يعطيك سعر متر قليل . لإنه لو لك طلبات خاصه لازم هيرجع في كلامه . او هيعوض الفارق من حاجه تانيه .